الحقيقة كل ما أكتبه هنا ( مؤلم )

مادري
من وين ابدا لكن الحقيقة كل ما أكتبه هنا ( مؤلم ) , يعني اذا الوحدة هي
وزوجها وعندهم طفل او طفلين ليش يجيبون خدامة !! والا هو التقليد الاعمي

في يوم ما سافرت
احدى الخادمات ,ولما بقت امهم مع اولادها تجد الاطفال الصغار نياح وصياح
كان أمهم ميته فاقدين حنان الخدامه حين تخلفت الام في اعطاء الحنان
لأبنائها , هذا الكلام ينطبق على الكثير من الناس , بالله عليكم يا نساء
اترضون ان يكون قلب ابنك وابنتك في الصغر يخفق حبا لخدامة مرة مرور الكرام
وذهبت , الا تتفقون معي ان من خفق قلبه منذ الصغر لغير أمه ان يخفق قلبه
عند الكبر وبقوة لغير أمه ! ,

انا ماعندي مشكلة ان الأم اذا صارت
مشغولة او الاولاد كثير او فيه ظروف معينه كالمرض وغيره انها تجيب خدامة ,
لكن على الاقل خلوا الخدامة في امور البيت تنظيف وطبخ وغسيل , اعطوا
ابنائكم شوي حنان وتربية والله انهم اماااانه في اعناقكم بتتحاسبون عليهم
يوم القيامة ,

انصدم وبقوة حين اجد ان زوجة تبحث عن الطلعات
والاسواق وتطلع من صلاة العصر وماترجع الا بالليل وعيالها بالبيت مع
الخدامة , واذا جت البيت على طول تسأل الخدامة هااااه نومتي العيال !!!
يعني متى بتشوفين عيالك والله حرام ,

الشئ الثاني اللي
عندهم عيال كبار وفي سن المراهقه والله لازم الام تتابعهم وتحرص عليهم
الخدم الان والله يبلون الواحد في نفسه غير السحر وغير مشاكلهم وغير انهم
يعطون احيانا مفاتيح للبيت ويتفقون مع حرامي مقابل مقدار مال معين تاخذها
الخدامة !! ان بعض الخدم يتحرشون بالشباب اللي بالبيت خاصة اذا ترك الحبل
على الغارب ,

الام في عنقها امانة كبيرة وهي مربية الاجيال وهي مصلحة المجتمع اذا ضاعت الامانة ضاع الجيل كله وخرج لنا جيلا أمهاتهم الشغالات ..!